رواية مكتملة بقلم الكاتبه ملك ابراهيم

قدامي وانا حاسه بڼار جوايا ونفسي انتقم منه واخد حقي وبحمد ربنا اني كنت حاطه تليفوني بعيد عني وانا بتكلم مع هند عشان اكون برحتي ومحسش ان كل كلمة بقولها هو بيسمعها وكمان الراجل الغريب ده لما جه اتكلم معايا كان التليفون بعيد برضه وكده طارق مش هيعرف اني اكتشفت خطته وعرفت اللي هو عمله فيا.. 
هند واقفه قدامي بقلق احلام في ايه فهميني. 

ابتسمتلها بحزن وقولتلها مفيش يا هند بس انا عايزة امشي دلوقتي. 
هند يالهوي
عليكي يا احلام يا بنتي صاحب المحل لو عرف انك جيتي ومشيتي احتمال كبير يرفدك يا احلام. 
رديت بحزن مش مهم.. مبقتش فارقه خلاص. 
كنت حاسه اني زي الجسد من غير روح وخدت شنطي وخرجت من المول وهو كان واقف قدام عربيته وساند عليها.. 
وقفت ابص عليه.. اللي يشوفه من مكاني ده لازم يتخدع فيه.. بس حقيقته طلعت اصعب ما كنت اتصور.. بس وحياة الۏجع اللي في قلبي يا طارق لاندمك على كل اللي عملته معايا وهعرفك اني مش ضعيفه ابدا زي ما انت فاكر...
قربت منه وانا بحاول اكون طبيعيه ووقفت قدامه وهو خلع نضارته وبصلي انتي كنتي فين 
رديت بهدوء كنت في شغلي. 
بصلي اوي وقال انتي كويسه 
هزيت راسي ب ااه.. 
طارق انتي معيطه 
هزيت راسي ب لا
طارق فيكي حاجة مش طبيعيه.. حتى صوتك وانتي بتردي عليا مش طبيعي ابدا. 
احلام معلش اصلي تعبانه شويه. 
بصلي بدهشة وفتحلي باب العربيه وانا وقفت ابصله كتير والدموع بتلمع في عيني وصعبان عليا نفسي اوي بعد اللي عمله فيا واني كنت ساذجة لدرجة اني كنت قربت أصدق انه بيحبني بجد. 
طارق باستغراب احلام انتي واقفه ليه اركبي العربيه. 
فوقت من شرودي وركبت العربيه وهو ركب جنبي وبصلي وقال احلام انتي فيكي حاجة.. ايه هي
رديت وانا بخفض وشي عشان مبصش في عينيه مفيش بس صاحب المحل مضايق من غيابي الكتير واحتمال يجيب بنت تانيه غيري. 
رد بثقة وفيها ايه يعني اصلا الشغل ده مش مناسب ليكي من الاول.
رديت بشرود عندك حق هو فعلا مش مناسب ليا ابدا بس انا للاسف في يوم حلمت وصدقت انه مناسب ليا. 
وقف العربيه على جانب الطريق وبصلي اوي وقال انتي فيكي حاجه متغيره في ايه يا احلام 
رفعت عيني وبصتله ومقدرتش اتحكم في دموعي لما حسيت اني كنت غبيه اوي وقدر بكل سهوله يستغلني ويتحكم
________________________________________
في حياتي على مزاجه. 
شوفت في عينيه لهفه وقلق اول لما دموعي نزلت قدام عينيه وكأن مشاعره دي حقيقيه بس خلاص انا مبقتش البنت الغبيه اللي هتصدقه تاني ولازم اخرب عليه كل خطته عشان يعرف ان اللعب بالقلوب مش سهل ويدوق الۏجع والقهر اللي انا دوقته وعشت فيه. 
طارق احلاااااام قولي انتي فيكي ايه ايه اللي حصل معاكي النهارده. 
رديت بهدوء قولتلك كويسه بس اعصابي تعبانه شويه عايزة ارجع البيت ارتاح شويه. 
بصلي بشك وشغل العربيه تاني وكمل الطريق وكل واحد فينا شارد في افكاره. 
بعد وقت وصلنا القصر ووقف بالعربيه ونزل من غير ما يتكلم وانا كمان فتحت باب العربيه ونزلت ووقفت جنب العربيه وهو كمل طريقه عشان يدخل القصر ولقيت نفسي بدون ما اشعر.. 
احلام ..طااهر
وقف اول لما سمع الاسم متحركش وكان ضهره ليا وانا وقفت مصډومة ومش عارفه انا ليه نطقت الاسم ده ولف بجسمه بصلي وقال انتي قولتي ايه 
رديت وانا جسمي بيرتجف من الخۏف طاهر... كان عايش في البيت ده 
بصلي باهتمام ورجع يقرب مني تاني وبصلي ب شك.. 
طارق ليه بتسألي 
رديت پخوف عشان طاهر ملوش صور في البيت هنا خالص.. رزان كانت قالتلي ان انت الكبير.. هو انت اكبر من طاهر بكتير 
بصلي ب شك وهو بيقرب اكتر وسألني انتي اول مرة تسألي عن طاهر!! 
هزيت راسي وقولتله عادي جه في بالي وسألت.. 
مقدرتش اقف قدامه اكتر من كده واتحركت بسرعه من قدامه ودخلت القصر وانا بلعڼ غبائي وتسرعي.. 
انما عند طارق فهو وقف مصډوم شويه ومسك تليفونه وكلم الحرس بتاعه وقاله عايز تسجيل الكاميرات اللي في المول وخصوصا المحل اللي المدام بتشتغل فيه. 
طلعت على اوضتي وقفلت على نفسي من جوه وجريت على السرير وانا ببكي وكنت خاېفه ومش عارفه اهرب منه ازاي!! 
فكرت في اختي بسمه وجوزها يمكن يجو ياخدوني من هنا بس انا مش عايزة ادخل اختي في مشاكل ممكن يأذيهم انا مبقتش عارفه هو عايز يوصل ل ايه بالظبط.. 
لحظات والباب خبط وانا كنت ھموت من الخۏف وببص على الباب وانا حاسه ان قلبي هيقف وقربت من الباب وسمعت صوت واحدة من الخدم.. 
الخادمة _ مدام احلام
رديت عليها من ورا الباب نعم
الخادمة_ لوسمحتي ممكن تفتحي بسرعه في حاجة لازم اقولهالك ضروري. 
فتحت لها الباب وانا مستغربه والاغرب ان اول لما فتحتلها الباب دخلت الاوضه على طول وقفلت الباب علينا وخدتني من ايدي ووقفنا قدام البلكونه وهي بتبص حواليها وقالت بهمس انا من طرف ناجي بيه. 
بصتلها بستغراب ناجي بيه مين! 
ردت بهمس اللي كان عند حضرتك النهارده بأمارت الهدية وقسيمة الجواز. 
بصتلها پصدمة هو اسمه ناجي !!!. 
الخادمة_ ناجي بيه بعتلك رساله تانيه معايا وبيقولك لو اتأكدتي من اللعبة اللي اتعملت عليكي هو الوحيد اللي هيقدر يساعدك ويخلصك من هنا.
قلبي دق پخوف وانا بسمع كلامها.. 
احلام مش فاهمه هيعمل ايه يعني 
الخادمة_ هيعمل كتير اوي بس انتي لازم توافقي تساعديه عشان هو كمان يقدر يساعدك... 
الحلقة 22
انا من طرف ناجي بيه. 
بصتلها بستغراب ناجي بيه مين! 
ردت بهمس اللي كان عند حضرتك النهارده بأمارت الهدية وقسيمة الجواز. 
بصتلها پصدمة هو اسمه ناجي !!!. 
الخادمة_ ناجي بيه بعتلك رساله تانيه معايا وبيقولك لو اتأكدتي من اللعبة اللي اتعملت عليكي هو الوحيد اللي هيقدر يساعدك ويخلصك من هنا. 
قلبي دق پخوف وانا بسمع كلامها.. 
احلام مش فاهمه هيعمل ايه يعني 
الخادمة_ هيعمل كتير اوي بس انتي لازم توافقي تساعديه عشان هو كمان يقدر يساعدك.
بصتلها پصدمة وحسيت ان الموضوع يخوف اوي وسألتها اساعده ازاي يعني مش فاهمه
الخادمة_ الباشا طلب مني اسألك الاول لو موافقه تحطي ايدك في ايده عشان يخلصك من هنا وبعد كده هيقولك تعملي ايه بالظبط.
بصتلها بقلق وانا بفكر وهمست لنفسي وبعدين في الحاجات اللي تخوف دي انا كان مالي ومال شغل العصاپات ده!! 
الخادمة بصتلي باستغراب حضرتك قولتي ايه 
خرجت من شرودي وبصتلها مش عارفه!
الخادمة_ صدقيني ناجي بيه امان الامان ولو وعدك انه هيخلصك من هنا يبقى هيعملها. 
كنت متلخبطه اوي ومش عارفه اعمل ايه.. انا اه عايزة اخلص من كل اللي انا فيه ده وارجع لحياتي العاديه بس برضه ده ميحصلش على حساب اي آذى اتسبب فيه ل طارق.. مهما عمل فيا بس انا مش هقدر آذيه او اتعاون مع عدو ليها ضده.. طب اعمل ايه دلوقتي او ارد عليها اقول ايه!! 
بصتلها بتوتر وسألتها هو انتي بتشتغلي في البيت ده بقالك كتير 
ردت بقلق حضرتك بتسألي ليه 
احلام كنت عايزة اسألك عن طاهر. 
بلعت ريقها پخوف وقالت انا اشتغلت هنا بعد مۏت طاهر بيه ومعرفش اي حاجة عنه. 
هزيت راسي بأحباط وقولتلها طب ممكن تديني فرصه افكر في عرض البيه بتاعك ده. 
الخادمة_ اسمه ناجي.. ناجي بيه. 
احلام هو بيشتغل ايه ناجي بيه ده 
بصتلي پصدمة وقالت معرفش يا هانم انا قولتلك كل المعلومات اللي عندي. 
هزيت راسي وقولتلها خلاص تمام سيبيني افكر مع نفسي شويه وهقولك ردي. 
الخادمة_ بس وحياة الغاليين عندك يا هانم بلاش تجيبي سيرتي ل طارق بيه.. لو عرف اني تبع ناجي بيه مش بعيد ېقتلني. 
رددت الكلمة پصدمة يقتلك!! 
الخادمة_ وبدم بارد كمان حضرتك متعرفيش الناس دول ممكن يعملوا ايه في اللي يخونهم. 
احلام طمنتيني شكرا. 
الخادمة_ طب بعد اذنك انا لازم ارجع لشغلي وهبلغ ناجي بيه ان حضرتك محتاجة وقت تفكري بس لو عايزة نصيحتي مصلحتك هتبقى مع ناجي بيه. 
هزيت راسي وهي خرجت وانا قعدت على السرير اهمس لنفسي ايه المصېبه اللي انتي وقعتي فيها دي يا احلام.. وبعدين هعمل ايه 
باب الاوضة فجأة اتفتح وطارق دخل وهو بيبصلي اوي وقرب مني وهو لسه بيبصلي وساكت متكلمش وسكوته ده وترني اكتر وخۏفت يكون عرف حاجة او شاكك فيا!! 
طارق انتي كويسه 
رديت بتوتر وكنت حاسه اني عامله چريمه وخاېفه يكشفني اه كويسه الحمدلله. 
قعد جنبي على السرير وانا جسمي انتفض بسرعه وبعدت عنه پخوف.. 
بصلي باستغراب وقال ايه يا احلام في ايه
رديت بتوتر مفيش انا بس متوتره شويه وعايزة انام. 
كان بيبصلي بغموض و شك وانا توتري بيزيد وفجأة قولتله انا عايزة اسافر اسوان عند اختي. 
عقد حواجبه بدهشة اشمعنا يعني 
احلام عادي هي وابنها وحشوني وعايزة اشوفهم. 
بصلي اوي باهتمام وانا مړعوبه من نظراته وحاسه انه كشفني ولقيته فجأة مسك ايدي وانا سحبتها من ايديه بسرعه وهو بصلي پصدمة وقام وقف وقال بزعيق لاااا بقى انا متأكد ان في حاجة حصلت معاكي النهارده. 
وقرب مني ومسكني من دراعي ووقفني قدامه وهو بيبص في عيني وانا عيوني لمعت بالدموع وخلاص هعيط لاني فعلا حبيته ومش متخيله انه يبقى عدوي او انا اتسبب له في اي آذى.. 
اتكلم وهو بيبصلي باهتمام احلام اتكلمي قوليلي انتي فيكي ايه. 
دموعي نزلت قدام عينيه ومقدرتش اتحكم في نفسي وانهرت بين ايديه وانا ببكي ومش قادرة اتخيل حياتي من غيرة حقيقي الحب ده اصعب ۏجع.. 
خدني في حضنه كالعادة بس انا المرادي مقدرتش اسكن في حضنه زي كل مرة وبعدت عنه پعنف وقولتله متلمسنيش. 
بصلي پصدمة وهمس للدرجادي يا احلام! 
هزيت راسي وقولتله باڼهيار انت خونتني.. علقتني بيك وطلعت بتلعب بيا وبمشاعري.. انا بقيت بكرهك ومش متحمله لمستك ليا.. ابعد عني وسيبني بقى.. سيبني ارجع لحياتي.. 
وانهرت على الارض وانا ببكي وبترجاه سيبني ارجوووك.. انا مش عايزة الحياة دي.. مش عايزة الۏجع ده. 
كان واقف يبصلي پصدمة وكل ما يقرب مني انا اصړخ واقوله يبعد لحد ما خرج من الاوضه وسبني وبعد لحظات لقيت رزان
اخته دخلت الاوضه عليا وهي مصډومة من حالتي وجريت عليا ومسكت ايدي عشان تقومني من على الارض. 
رزان احلام في ايه اللي حصل قومي معايا. 
قلبي