الدبلة
المحتويات
ماما انا وقعت دبلتي!
ازاي ووقعت فين
وانا بغسل المواعين وقعت ڠصب عني عشان واسعه ووقعت في الفتحه بتاعت الحوض
طيب رني على ياسين عرفيه ولو زعل انا هبقا اجيب غيرها
تمام
دخلت البلكونه رنيت عليه اكتر من مره ومردش في المره الاخيره كان رد بزعيق وهو بيقول
في أي يا روز رن رن رن مردتش يبقا مشغول افهمي بقا هفهمك لحد امتا
انتي بتهزري ازاي تقع منك يعني ده إستهتار انتي واحده مستهتره وانا مش هجيب غيرها ولو جبت هتكون صيني
وانا مش عايزه غيرها
قولتها وقفلت معاه ودخلت اوضتي اعيط فضلو يقولو خدي اللي يحبك متاخديش اللي بتحبيه ودي النتيجه!
تقريبآ حلاوة البدايات دي كل حاجه فيها بتكون مزيفه الضحكه الاهتمام الكلام الحلو ازاي الرجاله وحشين اوي لدرجة انهم يزيفو مشاعرهم!
حبيت الصور اللي في المكان وقرارت اني هلبس وانزل اشم هوا وافصل من كل حاجه شويه
قومت لبست الجيبه الي طالعه تريند جيبة عباد الشمس اللي فيها ورد ابيض كتير دي وعليها بلوزه سوده وطرحه بيضه والقليل من الميكب كنت جميله برغم دموع عيني اللي خبيتها ب الميكب وقبل ما انزل رنيت عليه عشان اعرفو اني نازله رد عليا وهو بيقول
موقعتش حاجه انا نازله
لاء مفيش نزول
محتاجه اخرج عايزه اشم هوا
لاء قولت لاء
تمام سلام
قولتها وقفلت معاه وطبعآ هنزل من وقت ما اتخطبت ليه وانا حاسه كأني عصفوره كانت على الشجره وهو خد العصفوره دي حطها في قفص
طلبت اوبر ونزلت كان وصل قربت من العربيه وانا بقول
اوبر صح
كان بيتكلم في التيلفون بص ليا شويه بعدين قال
ركبت وانا مستغربه شويه بس ماهتمتش كمل كلام في الفون وهو بيقول
خلاص بقا يا أحمد متنزلش عندي رحله.. يا ابني...
كان بيتكلم في التيلفون بص ليا شويه بعدين قال
ايوا صح ده صح جدآ
ركبت وانا مستغربه شويه بس ماهتمتش كمل كلام في الفون وهو بيقول
خلاص بقا يا أحمد متنزلش عندي رحله.. يا ابني افهم بقولك رحله طالع رحله سلام
معلش بس هو الموبيل فصل شحن حضرتك كنتي عايزه تروحي فين بظبط
وسط البلد
تمام
قالها وبداء يسوق كنت طول الطريق سرحانه في ياسين ومعاملته ليا حاسه اني عايزه اسيب كل ده وامشي كل حاجه بالمعنى الحرفي البيت وأهلي وياسين عايزه اخد بريك من كل حاجه في حياتي
في وسط مانا سرحانه جالي مكالمه من رقم غريب رديت عليه والاغرب انه كان سواق الاوبر!
حضرتك مين معلش
انتي طلبتي اوبر يا فندم
نعم!!
حضرتك طلبتي اوبر ل وسط البلد يا فندم
ثانيه واحده معلش
بصيت للشاب اللي سايق وانا بقول
انت مين
سواق الاوبر
امال اللي على الموبيل ده مين
ماهو احم احم حضرتك طلبتي مرتين تقريبآ
معتقدش اني طلبت مرتين
غالبآ ده اللي حصل عمومآ احنا كلها عشر دقايق ونكون في وسط البلد تقدري تلغي الرحله مع الكابتن التاني وهيكون في غرامه بسيطه!
تمام
اعتذرت من الشاب التاني وقفلت معاه وبعد شويه كنت وصلت وسط البلد بعد ما شكيت في الشاب الي معايا انه هيخطفني حاسبته ونزلت
وبعد ما توهت في بعض الشوارع لقيت الروف وطلعت كان لطيف قمة الطافه
الامكان لذيذه اوي وديكورات الذ امكان ل تصوير جميله اختارت اني اقعد في البلكونه عشان اكون على راحتي
متابعة القراءة
